الجمعة , فبراير 24 2017
الرئيسية / تعليم / نتيجة تنسيق دخول الثانوية العامة 2016-2017 يغضب الطلاب و أولياء الأمور

نتيجة تنسيق دخول الثانوية العامة 2016-2017 يغضب الطلاب و أولياء الأمور

العاصمة – ننشر نتيجة تنسيق دخول الثانوية العامة والدبلومات الفنية للعام الدراسي 2016-2017 ، حيث اثار ارتفاع درجات القبول في الثانوية العامة 2016 غضب الطلاب و أولياء الأمور وقد ردت وزارة التربية والتعليم لتكشف عن اسباب ارتفاع تنسيق الاعدادية 2017 هي كثافة الفصول مرتفعة ، نتيجة القبول في تعليم القاهرة 225 درجة حدا أدنى للقبول بـالثانوية العامة هذا العام ، أولياء الأمور ده ظلم لأولادنا ونطالب بتقليل الحد الأدنى للقبول .

حالة من الجدل أثيرت مؤخرًا بسبب القرار الخاص بالنزول بدرجة الحد الأدنى لتنسيق القبول بالثانوية العامة بمدارس محافظة القاهرة هذا العام، من 230 درجة إلى 225 درجة، وجعل الحد الأدنى للقبول بفصول الخدمات 195 درجة، حيث رأى أولياء الأمور أن خفض 5 درجات فقط في الحد الأدنى للقبول بالثانوية العامة ليست كافية، وأن هذا ظلم للطلاب الذين تخرجوا من المرحلة الإعدادية عام 2016.

وشن أولياء الأمور حربًا إلكترونية عنيفة على الصفحة الرسمية لمديرية التربية والتعليم بالقاهرة عبر موقع التواصل الاجتماعي “فيس بوك”، حيث كتب أولياء الأمور استغاثاتهم وصرخاتهم، للضغط على مديرية تعليم القاهرة لتخفيض الحد الأدنى للقبول بأولى ثانوي لأقل من 225 درجة، وقال محمد عبد العليم، أحد أولياء الأمور: “حرام.. أنا بنتى حصلت على مجموع 224.5 درجة، أي أن الفرق بينها وبين الحد الأدنى للقبول بالثانوي العام 2/1 درجة فقط”، وأضاف: “يعنى مستقبل بنتي متوقف على 2\1 درجة هل هذا شيء يصدق؟”.

وقالت هاجر أحمد، أحد أولياء الأمور: “أنا بنتي حاصلة على 223 درجة، يعنى تروح فين؟ وقالت: “أرجوكم ارحمونى”، وقالت عبير بكر، ولية أمر: “220 أنا ابني جايب 220 أروح بيه فين؟؟ نزلوا الحد الأدنى 10 درجات وريحوا ناس كتير بدل الهم والغم اللي احنا فيه ده، مافيش فلوس للمدارس الخاصة يا ناس ارحمونا أعمل إيه؟”، وقالت رباب هيكل، ولية أمر: “وأنا كمان ابنى جايب 221 أوديه إيه؟ أدخله صنايع مع اللى ماذاكرش وجاب 175؟ إزاى نفسى أفهم حسبى الله ونعم الوكيل”.

من جانبها، ردت إدارة العلاقات العامة بمديرية التربية والتعليم بالقاهرة على أولياء الأمور الغاضبين، قائلة إن السبب الحقيقي وراء ارتفاع تنسيق القبول بالثانوي العام هذا العام، هو ارتفاع كثافة الفصول، حيث أشارت إدارة العلاقات العامة بمديرية تعليم القاهرة في بيان لها عبر الصفحة الرسمية لها على “فيس بوك”، إلى أنه بخصوص تنسيق أولى ثانوى مع كامل الاحترام لكل الآراء فإن التنسيق بمجموع 225 درجة معناه أن الفصل الواحد سيكون به 50 طالبا، وأضافت إدارة العلاقات العامة بتعليم القاهرة، أنه إذا تمت الاستجابة لأولياء الأمور وتم تخفيض الحد الأدنى للقبول بـ1 ثانوي عن 225 درجة، فستزيد كثافة الفصول إلى 55 أو 60 طالبا في الفصل الواحد، وهذا بالطبع لن يكون فى مصلحة الطالب أو المدرس ولا في مصلحة العملية التعليمية برمتها.

وقالت تعليم القاهرة إن الحد الأدنى للقبول بالثانوي العام يتم تحديده بناءً على عدد الفصول الفارغة فى أولى ثانوى، بحيث تكون الكثافة فى الفصول معقولة، مؤكدةً أن ارتفاع تنسيق القبول بالثانوي العام هذا العام لم يتم لخدمة التعليم الخاص مثلما نشرت بعض المواقع.

32 تعليق

  1. ارجوا من سيادتكم ان تخفضوا تنسيق الاعدادية الى الحد الادنى 215…..
    وشكرا…..

  2. ارجو من سيادة وزير التربية والتعليم تخفيض تنسيق قبول الثانوى العام الى 215…..
    بدلا من 225…… والله العظيم انا جايب 217.5……. بمجهودى …………
    وشكرا…………

  3. كسرتو نفسى كان حلم عمرى بنتى تدخل الثانوى العام انتو ليه بدمرو الجيال الجاية مرةالمتحانات صعبة مره المتحنات اتسربت وبتكملو علينا بالتنسيق صح الدنيا ما بتجيش الا على الغالبان حسو بينا وبولادنا دى الرحمه حلوة التنسيق لازم ينزل ل ٢١٠ والا هتقوم ثورة ثالثة اولياء الامور فى حالة عضب وانا اول واحدة ادفع عمرى كله علشان ولادى

  4. انا ابنى واقف عى نصف درجة ياجماعه حسو بينا وبولادنا ربنا رحيم يعنى طالب لسة فى مشوار حياتة لية كدا بتعملو كدا فى الطلابا محافظ القليوبية نزل ١٠درجات ربنا يكرمة عند رحمة

  5. انا ابنى واقف على نصف درجة وهو عايز يدخل ثانوى حد يرد علينا

  6. من ام حزينه على مستقبل ابنتها بنتى جابت ،٢٢١ اقسم بالله اللى غاشه منها الامتحان كله جايبه اعلى منها فين العدل ارحموا اولادنا وارحموا مستقبلهم من الصياغ

  7. استحلفك بالله ان تنزلوا تنسيق من مابين ٢٢٠:٢١٠ لتكون سبب لفرحت كثير من الطلاب واولياء الامور وان تكون سبب فى مستقبل باهر اهم و بجزيك كل خير

  8. لو سمحتو انا هقدم في مدرسة يوسف السباعي في مصر الجديدة ومجموعي 226 وكل لما نروح يقوللنا النشرة بتاعت التنسيق الجديد اللي هو 225 متأخرة من الادارة وكل يوم نروح المشوار على الفاضي وكل اولياء الامور بيشتكو هناك من حوار تأخير النشرة ده حاولو تستعجلو النشرة دي احنا ادارة النزهة ومجهزين الورق كلو والعطلة كلها جاية من الادارة حد يشوفلنا حل

  9. ابنى جاب 211 من فضلكم نزلو التنسسيق مابين 220/210 علشان فرحة النجاح تدخل كل بيت هو يرضى ربنا اما يكون السنة الماضية 2015 نزل 205 والسنة دية التنسيق عالى كدة لية قال اللة تعالى ( قل هل يستوى الذين يعلمون والذين لا يعلمون )صدق الله العظيم. ينفع اقدملة ثانوى صنايع وهم بيقبلو 165 ينفع يتسوى بهذا الشكل دة وقال رسول الله صلى الله عليه وسلم(الظلم ظلمات يوم القيامة)) فلا تظلموا جيل طالع للدنيا استحلفكم بالله ولا ترد حلفانة وجزاكم الله خيرا

  10. بعد التحية
    لن نطيل على سيادتكم ونرجو سعة الصدر لشرح الموضوع نريد اى مواطن ان يوضح لنا كيف تكون نتيجة الجيزة 80% وتأخذ من 200 درجة ثم تخرج علينا فاطمة خضر وتقول نسبة القاهرة 75% وهى تأخذ من 225 وتفنع الكل ان الكثافة ستكون 65-75 طيب ازاى يا بشر اذا الجيزة هيكون الفصل فيها كثافتة 300 طالب ..هى شايفة اللى قدامها هبل ولما كانت اعوام قبل ذلك نسبة النجاح فى القاهرة 75.9 لعام 2014 والتى اعتمدها د. جلال مصطفى سعيد محافظ القاهرة انذاك وقرر الدكتور محمد سيد مدير المديرية قبول الحد الادنى 199 درجة وكل هذه المعلومات موثقة ومعنى ذلك ان فاطمة خضر اخذت رشاوى لانة بالمقارنة يتضح ان القاهرة عام 2014 قد نزل التنسيق من199 وكانت نسبة النجاح 75.9 اى اعلى من عام 2016 طيب حد يفهمنا يا بشر ازاى ؟!!!
    نرجو تحويل وايقاف فاطمة خضر عن العمل نرجو التحقيق فى الموضوع وتخفيض الحد الادنى ليصل الى محافظة الجيزة

  11. يا جدعاااااان ارحمونا انا جايب 220 والله اقسم بالله حرام يعنى ٥ درجات هما ألى موقفينى حرام والله اخش صنايع على ٥ درجات دول حرام حاولو تخفضو التنسيق ٥ درجات كمان بس و دا شكر منكم اوى ياريت تسمعو الكلام حرام مستقبلى يضيع علشان ٥ درجات نفسى اخش ثانويه عامل والله
    ……. استفسار يعنى عين شمس و الف مسكن فى ناس ب عدد هائل هيجيبو ٢٢٥ دا مدرسه الاتصال و الحريه و الناس كلها ساقطه معادا ٢٠ او اكبر و انا شوفت الكلام دا يعنى فى اماكن فاضيه

  12. تعديل فى الكلام …. ثانويه عامه. بدل ثانويه عامل
    و مدرسه الانصار بدل الاتصال

  13. محمد فرج السيد فرج 32340

    كفر الشيخ منكام

  14. انا اختى جايبة 224 حرام بجد

  15. السبب وراء كل ذلك سبوبة المدارس الخاصة والديل بين مسئولى مديرية التعليم بالقاهرة وأصحاب المدارس الخاصة اكيد البيزنس متوفر بينهم وموضوع الحد الأقصى للفصل من ناحية العدد ده كلام مش مقنع لأن من زمان وكل مدارس القاهرة بتأخد نفس العدد متغيرش وان النتيجة العام ده أقل من العام الماضى يبقى السر فى اية لزيادة الدرجات 225 والعام الماضى كان 210 وباقى المحافظات لتأخذ 200 درجة ومش لاقين طلبه تقدم وموضوع أن مفيش أماكن للطلبة يثبتوا ده من خلال الطلبة اللى التحقت لحد دلوقتى الأعداد بالكشوف ياريت وزير التعليم يلقى نظرة على مستقبل الطلبة اللى ممكن يضيع بين ليلة وضحاها

  16. احمد محمد احمد

    حسب ان اللة ونعم الوكيل اناجيب 200 مش عارف اخش ثانوي عام وعمال الف علي ثانوي عام مش لاقيي وهتسوا ببتوع الصنايع حرام ووربنا حسب ان اللة في المحافظ وحسب ان اللة ووزارة التربية والتعليم

  17. فاطمة مشعل

    انا جايبة210 مشعرفة اخش ثانوي عام ارجو من سيادة الوزير بنزل التنسيق الي 205

    وشكرا

  18. ارجو من سيادة الوزير تخفيض الحد الادنى 210 -200 فى المعقول علاشان تفرح كل الطلبة حرام انا تعبت نفسى ابنى يدخل ثانةى عام حتى لو قعد على الارض

  19. حرام عليكوا اللى انتو بتعملو فينااا دة انا جايبة 214 ومش عارفة ادخل ثانوية عامة لان التنسيق عالى اوى ولازم ينزل شوية الى 210 ونفسى ادخلها ومش هينفع ادخلها خاص حرام عليكوا متكسروش خاطر طفل ولا طفلة نفسها تحقق حلمها نحن جميعا نطالب بان التنسيق ينزل الى 210

  20. منه محمد

    ارجوا من سياده الوزير تخفيض التنسيق الي
    210 نفس افراح بابا وماما

  21. ولية أمر طالب

    برجاء نزول التنسيق إلى 215

  22. ولية أمر طالب

    نرجو توصيل صوتنا الي المسئولين ونزول التنسيق إلى 215 نظرا لوجود طلبة كثيرة ما بين ال215 إلى 219 وشكرا

  23. ام طالب مصري

    نرجو من السيدة الفاضلة فاطمة خضر بخفض تنسيق القبول الثانوي العام الي 215 ليتمكن أولادنا من الالتحاق بالثانوي العام أرجوكم ساعدونا حرام تساوي اللي جايب 160 باللي جاب فوق 200 وشكرا

  24. واحد نفسه يدخل ثناويه عامه

    والله العظيم حراااام انا واحد جايب 216.5 والتنسيق 219 يعنى ايه !!
    مدخلش ثناويه عامه على درجتين و نص دا ربناا ميرضاش بالظلم ابداآ
    نزلوا التنسيق ل 210 على الاقل و يرب صوتى يوصل

  25. ام حبيبه

    ونبى بنتى جايبه 214/5 نزلو التنسيق وفى ناس كتير جايبه مابين215و214فرق درجه لناس كتير حرام يضيعوا ونفسهم يدخلوا ثانوى عام ونبى نزلوه ولو درجه واحده

  26. يارب التنسيق ينزل 214نصف درجه هتحول حياتى من تجارى اوخاأااااااص ومصاريف كتير لثانوى عام واعيش مرتاح واريح اهلى وافرحهم بتعبهم ياااااارب نفسى ادخل ثانوى عااام انا جايب 214/5 والتنسيق215نصف درجه ياناس هتحول حياتى ياااااارب مالى غيرك والقلوب الرحيمه

  27. نزلوا التنسيق بجد تعبنا باه وجبنا اخر نزلوا التنسيق بنتى جايبه 214/5 وعلى نصف درجه ادخلها خااااااااااااص ليه يا دكتوره فاطمه طب شوفوا نعمل ايه فى النصف درجه بجد تعبتونا من اول ما نزل التنسيق

  28. ام طالبه

    نزلوا التنسيق حرام عليكم على نصف درجه مستقبل بنتى هيتحول بالله عليكم نزلوا التنسيق فى القاهره واقفه معانا على نصف درجه214/5حررررام والله يادكتوره فاطمه ياريت يوصلك الكلام ده وتحسي بينا

  29. ام حبيبه

    منكم لله بنتى واقفه على نصف درجه محافظه القاهرع ولسه ملفها معايا ومش لاقيه اى مكان فى خاااص منكنم للع وحسبنا الله ونعم الوكيل كل الى بيدير التعليم الفاشل

  30. منكم لله بنتى واقفه على نصف درجه محافظه القاهرع ولسه ملفها معايا ومش لاقيه اى مكان فى خاااص منكنم للع وحسبنا الله ونعم الوكيل كل الى بيدير التعليم الفاشل

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Free WordPress Themes